唔知大家究竟有幾熟識自己個機場呢?
唔熟識或者會令你地行左冤枉路, 時間大失預算...
所以我就寫左呢篇文章, 睇完就希望大家熟晒路啦 :)
1. 交通
去赤鱲角機場既方法主要有四種: 港鐵、巴士、的士、揸車
港鐵
大家可以係香港站/九龍站/青衣站搭機場快綫入機場 OR
搭港鐵去到上面果三個站轉機場快綫 (要出閘轉線架!!) OR
搭港鐵去到東涌轉S1 (Exit B直行出去) [最抵]
去到機場站左右車門都會打開: 左—T1; 右—T2
巴士
搭入機場既巴士主要係以 "E" / "A" 字頭為路線編號既巴士路線,
(除左E21A, E31 等等)
而 "A" 線車係直接入到機場 (過左青馬大橋之後下個站就係機場客運大樓)
"E" 線車係要兜埋東涌同機場後勤區先會到客運大樓
所有 "A" 線車都係係七樓離港區落客既,
而有部份 "E" 車係會係地面落客, 網友最好係「一號停車場」落車,
再搭電梯上七樓就係離港層
唔肯定既網友就上返龍運巴士/城巴個網睇下自己會搭果條線啦 :)
的士 / 揸車
點搭就唔洗教大家啦 :)
不過我想教既係: 大家係邊個位落車先係最方便自己。
首先, 機場離境大堂落客區分為4個區: 一、二、三、四
一: 國泰航空 (B/C)
二: 加拿大航空 (D)、全日空 (E)、芬蘭航空 (E)、長榮航空 (E)、維珍航空 (E)
三: 港龍航空 (H)、大韓航空 (G)、中華航空 (F)、日本航空 (G)、阿聯酋航空 (G)
四: 香港航空 (K)、英國航空 (J)、澳洲航空 (J)、韓亞航空 (J)
如果係去二號客運大樓既就一入T2落客區就停啦 :)
2. 離境安檢
*** 大家緊記尿袋同芭蕉扇係需要放係手提行李到 :)
詳情請參閱機場保安資料
另外, 當你地過果部金屬探測器之前, 最好就拎晒/除晒以下既野出黎:
飾物、鎖匙銀包電話、皮帶等等 (金屬嘛...)
3. 閘口
機場主要有三個地方上機: 一號客運大樓、北衛星客運廊同中場客運廊
一號客運大樓
#1-80, #511-530 閘口既所在處
去 #1-32 閘口既網友可以跟住指示行去各閘口; [登機橋]
(預留5-10分鐘由美食廣場行去)
去 #33-80 閘口既網友可以選擇搭無人駕駛列車去各閘口; [列車+登機橋]
(預留10-20 分鐘由美食廣場搭車去)
去#511-530閘口既網友可以跟住指示行去各閘口; [接駁巴士+行樓梯]
(預留5-10分鐘由美食廣場搭電梯落4樓行去)
北衛星客運廊 (有餐廳、咖啡店及零售店)
#501-510 閘口所在處
去 #501-510 閘口既網友需要由美食廣場搭電梯落4樓行去接駁巴士上車處 [接駁巴士+登機橋]
(預留20-30分鐘; 接駁巴士只需要3分鐘到達, 但需視乎停機坪交通情況)
中場客運廊 (有餐廳、咖啡店及零售店)
#201-230 閘口所在處
去 #201-230 閘口既網友需要由美食廣場搭電梯落4樓行去無人駕駛列車月台 [列車+登機橋]
(預留10-20分鐘)
備註: 所謂 "預留___分鐘" 係指於登機時間前___分鐘
例如: HX 007; Gate #215; 起飛時間: 0900; 登機時間: 0820;
咁需要大家係0800開始準備由美食廣場去閘口 :)
沒有留言:
張貼留言